{"id":27164,"date":"2024-05-17T07:07:21","date_gmt":"2024-05-17T05:07:21","guid":{"rendered":"https:\/\/www.perla.al\/?p=27164"},"modified":"2024-05-17T07:08:57","modified_gmt":"2024-05-17T05:08:57","slug":"rivleresimi-i-pasurive-propozimi-per-tatimin-3","status":"publish","type":"post","link":"https:\/\/www.perla.al\/al\/rivleresimi-i-pasurive-propozimi-per-tatimin-3\/","title":{"rendered":"Rivler\u00ebsimi i pasurive, propozimi p\u00ebr tatimin 3%"},"content":{"rendered":"

N\u00eb Kuvendin e Shqip\u00ebris\u00eb \u00ebsht\u00eb depozituar p\u00ebr shqyrtim nisma e deputetes s\u00eb PS-s\u00eb, Blerina Gjylameti, p\u00ebr rivler\u00ebsimin e pasurive t\u00eb paluajtshme p\u00ebr individ\u00ebt dhe p\u00ebr personat juridik\u00eb.<\/p>\n

Edhe ekspert\u00ebt e tregut t\u00eb pasurive t\u00eb paluajtshme e shohin shum\u00eb pozitivisht k\u00ebt\u00eb propozim, pasi dalin t\u00eb fituara t\u00eb gjitha pal\u00ebt.<\/p>\n

Ervin Demirxhiu, ekspert i tregut t\u00eb pasurive t\u00eb paluajtshme: Realisht ky \u00ebsht\u00eb nj\u00eb lajm shum\u00eb i mir\u00eb p\u00ebr gjith\u00eb qytetar\u00ebt por edhe p\u00ebr ne zyrat imobilare apo ekspert\u00ebt vler\u00ebsues sepse do t\u00eb na leht\u00ebsoj\u00eb edhe ne pun\u00ebn. Sigurisht q\u00eb qytetar\u00ebt do t\u2019i ndihmoj\u00eb jasht\u00ebzakonisht shum\u00eb edhe me barr\u00ebn fiskale q\u00eb do t\u00eb paguajn\u00eb, n\u00ebse nj\u00eb qytetar shet sot nj\u00eb pron\u00eb paguan 15% t\u00eb tatim-fitimit q\u00eb llogarit fitimi i pron\u00ebs shitja minus \u00e7mimin e blerjes ajo tatohet 15%, n\u00eb rastin konkret n\u00ebse qytetari do t\u00eb b\u00ebj\u00eb rivler\u00ebsimin e pron\u00ebs do t\u00eb paguaj\u00eb vet\u00ebm 3% q\u00eb \u00ebsht\u00eb nj\u00eb ndihm\u00eb goxha e madhe n\u00eb xhepat e \u00e7do konsumatori apo \u00e7do shit\u00ebsi.<\/p>\n

Ekspert\u00ebt n\u00ebnvizojn\u00eb gjithashtu se tatimi me 3% i rivler\u00ebsimit t\u00eb pasurive t\u00eb paluajtshme ndihmon n\u00eb shmangien e informalitetit n\u00eb treg.<\/p>\n

Ervin Demirxhiu, ekspert i tregut t\u00eb pasurive t\u00eb paluajtshme: N\u00eb moment q\u00eb b\u00ebhen k\u00ebto nisma sigurisht q\u00eb transaksione, ka goxha para q\u00eb futen n\u00eb ark\u00ebn e shtetit, mendoj q\u00eb i shmang goxha k\u00ebto m\u00ebnyrat e devijimit sepse 3% e paguan \u00e7do qytetar dometh\u00ebn\u00eb thot\u00eb 3% e paguaj pa asnj\u00eb lloj problemi, nd\u00ebrsa kur \u00ebsht\u00eb p\u00ebr 15% realisht ne shikojm\u00eb q\u00eb shtr\u00ebngohen pak dhe ndoshta t\u00ebrhiqen edhe nga shitjet vet\u00ebm p\u00ebr efekt t\u00eb tatimit<\/p>\n

N\u00eb draft propozohet q\u00eb subjekt i k\u00ebtij ligji t\u00eb jet\u00eb edhe rivler\u00ebsimi i pasurive t\u00eb paluajtshme t\u00eb individ\u00ebve q\u00eb jan\u00eb n\u00eb proces legalizimi dhe regjistrimi t\u00eb pasuris\u00eb, q\u00eb kan\u00eb kontrata sip\u00ebrmarrje dhe jetojn\u00eb n\u00eb pallate ende t\u00eb pa legalizuara.<\/p>\n

Ligji p\u00ebr rivler\u00ebsimin e pasurive t\u00eb paluajtshme me tatim 3% u zbatua edhe n\u00eb vitin 2020 dhe p\u00ebr shkak t\u00eb situat\u00ebs s\u00eb krijuar nga pandemia afati i zbatimit t\u00eb tij u shty dy her\u00eb dhe p\u00ebrfundoi m\u00eb 31 dhjetor 2021.
\n\"\"<\/a><\/p>\n