{"id":33706,"date":"2025-09-22T10:56:57","date_gmt":"2025-09-22T08:56:57","guid":{"rendered":"https:\/\/www.perla.al\/?p=33706"},"modified":"2025-09-22T11:27:57","modified_gmt":"2025-09-22T09:27:57","slug":"trendi-rrites-i-qirave-te-shtepive-eksperti-imobiliar-shpjegon-shifrat-e-cmendura","status":"publish","type":"post","link":"https:\/\/www.perla.al\/al\/trendi-rrites-i-qirave-te-shtepive-eksperti-imobiliar-shpjegon-shifrat-e-cmendura\/","title":{"rendered":"Trendi rrit\u00ebs i qirave t\u00eb sht\u00ebpive, eksperti imobiliar shpjegon shifrat e \u00e7mendura"},"content":{"rendered":"

Trendi rrit\u00ebs i qirave t\u00eb sht\u00ebpive, eksperti imobiliar shpjegon shifrat e \u00e7mendura<\/strong><\/p>\n

\u201cNj\u00eb nga zonat m\u00eb t\u00eb mira\u201d, e quan eksperti imobiliar Ervin Demirxhiu hap\u00ebsir\u00ebn pran\u00eb stadiumit \u201cSelman Stermasi\u201d n\u00eb Tiran\u00eb, ku ka q\u00ebndruar studioja l\u00ebviz\u00ebse e programit \u201cAldo Morning Show\u201d n\u00eb Tv Klan. Nj\u00eb zon\u00eb, ku si shum\u00eb t\u00eb tjera, \u00e7mimet e qirave jan\u00eb rritur duke iu bashkuar perceptimit t\u00eb p\u00ebrgjithsh\u00ebm se jetesa n\u00eb Tiran\u00eb \u00ebsht\u00eb shum\u00eb e shtrenjt\u00eb.<\/p>\n

Eksperti pranon se kjo \u00ebsht\u00eb e v\u00ebrtet\u00eb, ka disa vite q\u00eb \u00e7mimet e apartamenteve n\u00eb Tiran\u00eb rriten, por argumenton se \u00ebsht\u00eb rezultat i k\u00ebrkes\u00ebs. Me gjith\u00eb largimin e t\u00eb rinjve, banor\u00ebt e qyteteve t\u00eb tjera po zhvendosen n\u00eb Tiran\u00eb duke rritur k\u00ebrkes\u00ebn.<\/p>\n

Demirxhiu thot\u00eb se \u00ebsht\u00eb e v\u00ebshtir\u00eb t\u00eb gjesh apartamente n\u00ebn 500 euro n\u00eb Tiran\u00eb. Sa p\u00ebr z\u00ebrat se ka apartamente bosh, thot\u00eb se nuk do t\u00eb mbeten t\u00eb till\u00eb.<\/p>\n

Ervin Demirxhiu: Kjo vjen si rezultat i k\u00ebrkes\u00ebs.<\/p>\n

Aldo: Kush k\u00ebrkon se ka nj\u00eb problem, nga nj\u00ebra an\u00eb njer\u00ebzit po ikin, nga ana tjet\u00ebr njer\u00ebzit k\u00ebrkojn\u00eb. K\u00eb t\u00eb besoj?<\/p>\n

Ervin Demirxhiu: Njer\u00ebzit po ikin, por njer\u00ebzit po vijn\u00eb t\u00eb gjith\u00eb n\u00eb Tiran\u00eb. Ti po t\u00eb ik\u00ebsh n\u00eb qytete t\u00eb tjera, nuk gjen m\u00eb njer\u00ebz.<\/p>\n

Aldo: Edhe n\u00eb Durr\u00ebs p\u00ebr at\u00eb pun\u00eb.<\/p>\n

Ervin Demirxhiu: E gjith\u00eb ekonomia \u00ebsht\u00eb p\u00ebrqendruar n\u00eb Tiran\u00eb, do, s\u2019do do t\u00eb p\u00ebrplasen dhe n\u00eb momentin q\u00eb kemi k\u00ebrkes\u00eb, sigurisht q\u00eb k\u00ebto \u00e7mime do t\u00eb kemi, t\u00eb larta.<\/p>\n

Aldo: Kush i ka favorizuar k\u00ebto \u00e7mime, jan\u00eb nd\u00ebrtuesit, jan\u00eb \u00e7mimet e referenc\u00ebs, jan\u00eb t\u00eb huajt q\u00eb ka k\u00ebrkesa apo ndonj\u00eb gj\u00eb tejt\u00ebr?<\/p>\n

Ervin Demirxhiu: \u00c7mimet i favorizon k\u00ebrkesa e lart\u00eb n\u00eb treg, normalisht ne jemi treg i lir\u00eb dhe jemi k\u00ebrkes\u00eb-ofert\u00eb. N\u00eb momentin q\u00eb kemi k\u00ebrkes\u00eb, \u00e7dokush do t\u00eb mundohet t\u00eb p\u00ebrfitoj\u00eb, pse jo edhe nd\u00ebrtuesit? Pse jo edhe personi q\u00eb ka p\u00ebr t\u00eb dh\u00ebn\u00eb me qira apo p\u00ebr t\u00eb shitur, pse mos ta jap\u00eb m\u00eb shtrenjt\u00eb? E logjikshme kjo pjes\u00eb.<\/p>\n

Aldo: Vet\u00ebm se ka dhe z\u00ebra q\u00eb thon\u00eb q\u00eb do t\u00eb ngelin bosh.<\/p>\n

Ervin Demirxhiu: Un\u00eb mendoj q\u00eb jemi shum\u00eb larg asaj pjese q\u00eb t\u00eb ngelin bosh. Ka z\u00ebra q\u00eb jan\u00eb bosh etj, por nuk ka apartamente bosh. N\u00ebse jan\u00eb ato apartamente bosh, u b\u00ebj thirrje t\u00eb m\u2019i sjellin mua se i shes t\u00eb gjitha.<\/p>\n

Aldo: Ideja \u00ebsht\u00eb, sa e v\u00ebrtet\u00eb \u00ebsht\u00eb q\u00eb n\u00eb Tiran\u00eb nj\u00eb qira p\u00ebr nj\u00eb apartament shkon mbi 500 euro?<\/p>\n

Ervin Demirxhiu: Kjo \u00ebsht\u00eb shum\u00eb e v\u00ebrtet\u00eb. Ne sot e kemi thuajse t\u00eb pamundur t\u00eb gjejm\u00eb apartamente n\u00eb 400 euro dhe jan\u00eb apartamente q\u00eb sapo gjenden, jepen direkt, jepen nga student\u00ebt, familjet e vogla apo q\u00eb kan\u00eb buxhet t\u00eb limituar dhe fillojn\u00eb nga 500 euro e lart. Sigurisht q\u00eb jan\u00eb mjaft t\u00eb larta p\u00ebr mund\u00ebsit\u00eb ekonomike tonat, por njer\u00ebzit ia kan\u00eb dal\u00eb, sidomos kur b\u00ebhet fjal\u00eb p\u00ebr t\u00eb rinjt\u00eb, student\u00ebt, grupohen dhe ndajn\u00eb qiran\u00eb.<\/p>\n

Lidhur me apartamentet e boshatisura, Demirxhiu thot\u00eb se jan\u00eb pjes\u00eb e investimeve. Familje apo individ\u00eb q\u00eb kan\u00eb mund\u00ebsi financiare, kan\u00eb investuar n\u00eb blerjen e nj\u00eb prone t\u00eb dyt\u00eb apo t\u00eb tret\u00eb.<\/p>\n

Ai beson se do t\u00eb vij\u00eb nj\u00eb moment kur tregu i qirave do t\u00eb stabilizohet, por jo t\u00eb ulen \u00e7mimet. Ajo q\u00eb duhet b\u00ebr\u00eb, sipas ekspertit, \u00ebsht\u00eb ndihma e kredive t\u00eb buta duke reduktuar burokracit\u00eb dhe ulur kuotat n\u00eb m\u00ebnyr\u00eb q\u00eb edhe pse m\u00eb pak familje mund t\u00eb p\u00ebrfitojn\u00eb nj\u00eb banes\u00eb p\u00ebrmes tyre, t\u00eb arrijn\u00eb q\u00eb t\u00eb jet\u00eb nj\u00eb realitet i preksh\u00ebm.<\/p>\n

\"\"<\/a><\/p>\n