Rivlerësimi i pronës është një proces zyrtar që u mundëson pronarëve të përditësojnë vlerën e pronës së tyre sipas çmimit aktual të tregut.
Pse është kaq i rëndësishëm rivlerësimi?
– Pa rivlerësim: paguani 15% tatim mbi fitimin kur shisni pronën.
– Me rivlerësim: paguani vetëm 5%.
➡️ Pra, kurseni trefish më shumë.
Edhe nëse nuk shisni tani:
• ulni tatimin në të ardhmen
• mbroni investimin tuaj
• vlera e pronës regjistrohet reale në ASHK
Hapat e Procesit të Rivlerësimit
- Hapi 1 – Vlerësimi me çmim tregu: Kryhet nga një ekspert i licencuar, i cili përgatit aktin e vlerësimit.
- Hapi 2 – Aplikimi në AKSHI: Ngarkohet akti i vlerësimit dhe dokumentet e pronës. Ky është aplikimi zyrtar i rivlerësimit.
- Hapi 3 – Pagesa e taksës 5%: Pas miratimit, lëshohet fatura 5% që paguhet në bankë brenda 7 ditëve.
- Hapi 4 – Përditësimi i kartelës: Pasi kryhet pagesa, ASHK rifreskon kartelën me vlerën e re të pronës.
Udhëzuesi për Vendosjen e Vlerave në Kalkulatorin e Rivlerësimit
📌 Vlera Aktuale e Pronës
Vendosni vlerën e tregut sot, në lekë të reja.
🗂️ Vlera e Regjistruar e Pronës
Shkruani çmimin e blerjes ose vlerën e regjistruar në ASHK.
💱 Konvertimi Euro → Lekë (nëse vlera është në Euro)
Konvertimi bëhet me kursin e vitit të regjistrimit (jo të sotmin).
Shembull:
100,000 € × 139.6 (kursi 2015) = 13,960,000 lekë
➡️ Kjo vlerë vendoset në kalkulator.
Dokumentat e Nevojshme për Raport Vlerësimi
1. Dokumentet e Pronësisë:
– Certifikata e pronësisë (e domosdoshme)
– Kartela e pasurisë
– Harta treguese
2. Dokumente Teknike:
– Planimetria e objektit
– Plan rilevimi trualli / toke / vile
3. Dokumente të Pronarit:
– Karta e identitetit (e domosdoshme)
– NIPT (kur prona është në emër të një shoqërie)
Pyetje të Shpeshta (FAQ)
• Pse duhet të bëj rivlerësimin?
Sepse paguani vetëm 5% në vend të 15% tatim.
• Kush ka të drejtë për rivlerësim?
Çdo person fizik ose juridik me pronë të regjistruar.
• A bëhet rivlerësimi për prona pa certifikatë?
Jo, dokumentacioni duhet të jetë i rregullt.
• A lejohet për prona me kredi/hipotekë?
Po, bëhet normalisht.
• Si përcaktohet vlera e re?
Nga eksperti i licencuar përmes aktit të vlerësimit.
• Sa është taksa e rivlerësimit?
5% e diferencës midis vlerës së blerjes dhe vlerës së tregut sot.
• Sa kohë zgjat?
Zakonisht disa ditë, në varësi të ASHK.
• A ul rivlerësimi taksën kur shitet prona?
Po, shpesh kursen mijëra euro.
• A mund të bëhet disa herë?
Po, sa herë që hapen fushata të reja nga qeveria.
• A ka kosto të tjera përveç taksës 5%?
Ka vetëm tarifën e ekspertit vlerësues.
• A mund ta bëjë dikush tjetër për mua?
Po, me prokurë të posaçme.
Çfarë është Taksa e Shitjes së Pronës?
Taksa 15% e shitjes së pronës (tatimi mbi fitimin kapital) aplikohet në momentin që shitet prona. Me rivlerësimin, kjo taksë ulet në 5% nga diferenca e vlerave – duke sjellë kursime të mëdha për pronarët.
Ervin Demirxhiu – Ekspert i Licencuar Vlerësimi
1. “Ndërtesa dhe Tokë Truall” – Licenca Nr. Vp.0886/1
2. “Tokë bujqësore, pyjore, kullotë, livadh, tokë e pafrytshme” – Licenca Nr. Vp.1883/1
3. “Linja teknologjike, makineri dhe pajisje” – Licenca Nr. Vp.2142
